Punë në Gjermani

TTS-Player überspringen↵Artikel weiterlesen Tirana (Albanien) – Bei Demonstrationen in Albanien ist es zu Zusammenstößen zwischen Demonstranten und der Polizei gekommen.

– 100 Tage Flamingo-Proteste gegen Kushners Luxusbauprojekt eskalieren Eier und Tomaten fliegen, mehrere Menschen werden festgehalten: In Tirana spitzt sich

Die täglichen Demonstrationen gegen ein geplantes Luxusresort in der Lagune von Narta mögen nicht mehr so machtvoll sein wie zu

Champions League rikthehet në ekranin e Top Channel, por këtë sezon me një risi të madhe.

Të mërkurën starton “Studio Champions League”, emisioni i ri që do të shoqërojë çdo mesjavë të kompeticionit më të madh të futbollit europian, nga ora 20:00. Në krye të këtij projekti janë dy prej emrave që prej më shumë se një dekade drejtojnë procesin sportiv në Top Channel, Glenti Nallbani dhe Eduard Manushi, në rolin e autorit dhe prezantuesit. Por risia më e madhe vjen në panelin e analistëve.  Për herë të parë në karrierën e tij, një prej drejtuesve më të suksesshëm të futbollit italian, Igli Tare, do të marrë rolin e analistit profesionist, duke parë futbollin nga një këndvështrim tjetër.

“Diçka ndryshe nga bota ime, ndaj edhe e pranova me kënaqësi këtë ftesë sepse të ndihmon edhe për të parë anën tjetër të botës së futbollit, domethënë atë të gazetarisë. Do të jetë një rrugëtim besoj i këndshëm për këtë sezon.”

Për vite me radhë, protagonistët e fushës u janë përgjigjur gazetarëve me shprehjen ikonike: “Është e lehtë të flasësh nga kolltuku, për atë që ndodh në fushë…”

“Unë besoj që eksperiencën e duhur e kam për të argumentuar ose për të shpjeguar disa gjëra që janë ndryshe nga ajo që shikohet gjithmonë nga bota televizive, prandaj edhe ishte diçka interesante që me kënaqësi e pranova ta provoja.”

Në krah të Tares do të jetë Alban Bushi, trajneri i Kombëtares U-21 dhe një prej emrave të rëndësishëm të futbollit shqiptar. Ndërsa paneli plotësohet nga Redi Jupi, opinionisti i Top Channel dhe një prej zërave më profesionistë të analizës sportive në Shqipëri. Gjithçka nis këtë të mërkurë, në orën 20:00, përpara supersfidës Napoli-Arsenal, që do të transmetohet drejtpërdrejt dhe ekskluzivisht në Top Channel. Dhe pas 90 minutave, analiza vazhdon sërish në studio. Momentet kryesore, golat, vendimet, protagonistët dhe taktikat do të kalojnë nën lupën e Igli Tares, Alban Bushit dhe Redi Jupit. Ndërkohë që për këtë mesjavë një mendim professional do të japë edhe ish-kapiteni kuqezi Altin Lala. “Studio Champions League”, futbolli para ndeshjes, dhe mbi të gjitha, analiza pas saj. Të mërkurën, ora 20:00, në Top Channel.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Opozita kërkon ngritjen e një Komisioni Hetimor Parlamentar për të verifikuar veprimtarinë e institucioneve shtetërore lidhur me trafikun ndërkombëtar të armëve.

Kërkesa e firmosur nga 39 deputetë të Partisë Demokratike dhe Partisë së Lirisë  drejtuar kryetarit të Kuvendit, Niko Peleshi, kërkon të hetojë nëse institucionet përgjegjëse kanë vepruar në përputhje me ligjin për parandalimin, kontrollin dhe zbulimin e këtyre veprimtarive, si dhe nëse mund të ketë përgjegjësi politike, administrative apo institucionale.

Shkak i drejtpërdrejtë për kërkesën janë deklaratat dhe materialet audio të publikuara në një Syri Tv më 7 shtator nga ish zëvëndeskryeministri Arben Ahmetaj.

Vetë deputetët nënshkrues theksojnë në kërkesë se deklaratat dhe materialet e publikuara nga Ahmetaj nuk konsiderohen fakte të provuara, por të dhëna dhe indicie që, sipas tyre, duhet t’i nënshtrohen kontrollit parlamentar.

Qëllimi i komisionit, sipas dokumentit, do të ishte verifikimi i pretendimeve përmes dokumenteve, dëshmive, të dhënave zyrtare dhe kontrollit të institucioneve shtetërore.

Në fokus të hetimeve të këtij komisioni hetimor, kërkohet të vendosen procedurat e importit, eksportit, tranzitit, transportit, magazinimit dhe transferimit të armëve dhe pajisjeve ushtarake, si dhe licencat dhe autorizimet e lëshuara nga institucionet shtetërore. Deputetët e opozitës kërkojnë gjithashtu verifikimin e kontrolleve doganore, kufitare, portuale dhe aeroportuale.

Një tjetër pikë që kërkohet të hetohet është nëse ka pasur komunikime, ndërhyrje, urdhra apo orientime nga funksionarë publikë që mund të kenë ndikuar në trajtimin institucional të çështjeve të dyshuara, si dhe marrëdhëniet mes subjekteve private të përmendura në materialet e bëra publike dhe institucioneve shtetërore.

Hetimi parlamentar propozohet të shtrihet në një periudhë prej më shumë se 2 vitesh, nga 1 janar 2024 deri në 7 shtator 2026, dhe parashikon të shqyrtojë edhe dokumentet që i përkasin një periudhe më të hershme.

Në kuadër të këtij hetimi parlamentar, opozita kërkon që Komisioni të marrë në pyetje dhe të dëgjojë dëshmitë e disa prej zyrtarëve më të lartë të shtetit, duke nisur nga kryeministri Edi Rama, ministri i Mbrojtjes Ermal Nufi, Shefi i Shtabit të Përgjithshëm, gjeneral lejtnant Arben Kingji, drejtuesja  e SHISH-it Vlora Hyseni, drejtori i Përgjithshëm i Policisë së Shtetit Skënder Hita dhe drejtori i Përgjithshëm i KAYO-s Ardi Veliu.

Gjithashu do të kërkohet informacion, dokumentacion dhe dëshmi nga strukturat përgjegjëse për industrinë e mbrojtjes, tregtimin e armëve, doganat, autoritetet portuale e aeroportuale dhe kontrollin kufitar.

Përpara Komisionit opozita ka kërkuar që të dëshmojë edhe ish-zëvendëskryeministri Arben Ahmetaj, si personi që bëri publike materialet dhe pretendimet që u bënë shkak për kërkesën për hetim parlamentar.

Gjithashtu opozita kërkon që ky komision hetimor të administrojë materialet audio të publikuara më 7 shtator nga ish zevendëskryeminsitri Ahmetaj dhe të verifikojë origjinën e tyre, kohën dhe rrethanat e regjistrimit, integritetin teknik, identitetin e personave që dëgjohen dhe përputhjen e përmbajtjes së tyre me dokumentacionin zyrtar.

Deputetët nënshkrues theksojnë se ky Komision Hetimor nuk dO të përcaktojë përgjegjësi penale dhe as do të zëvendësojë Prokurorinë apo organet e tjera të drejtësisë. Objekti i tij, sipas kërkesës, duhet të mbetet kontrolli parlamentar i veprimtarisë së institucioneve dhe përcaktimi i përgjegjësive eventuale politike dhe institucionale.

Argumentat mbi të cilat 39 deputetë të opozitës kanë mbështetur kërkesën për ngritjen e një Komisioni Hetimor Parlamentar u bënë publike nga ish-zëvendëskryeministri Arben Ahmetaj, gjatë një interviste televizive një ditë më parë. Ai ngriti akuza për një skemë të dyshuar të trafikut ndërkombëtar të armëve, duke publikuar edhe disa materiale audio që, sipas tij, lidhen me këtë veprimtari. Në qendër të pretendimeve të Ahmetajt ishin biznesmeni Ron Yefet, kompania Timak Defense dhe ajo që ai e cilësoi si “koncepti KAYO”.

Ahmetaj deklaroi se armë me origjinë nga vende të Afrikës sillen në Shqipëri, paketohen dhe më pas dërgohen drejt vendeve të tjera, Sipas tij, ky qarkullim nuk bëhet në kuadër të marrëveshjeve zyrtare të Shqipërisë me NATO-n apo për furnizimin e Ukrainës, ndaj ai e cilësoi si trafik ndërkombëtar armësh.

Një tjetër pjesë e denoncimit të ish-zëvendëskryeministrit lidhej me financimin e kompanive që operojnë në industrinë e mbrojtjes. Ahmetaj pretendoi se këto kompani kanë përfituar fonde publike përmes procedurave pa tender. Në intervistë ai u ndal konkretisht te Timak Defense, për të cilën deklaroi se ka marrë paradhënie nga buxheti i shtetit dhe ngriti pikëpyetje mbi kapitalin e investuar nga aksionerët privatë.

Ish-zëvendëskryeministri përmendi gjithashtu një rast kur autoritetet italiane kishin sekuestruar raketa, për të cilat tha se vinin nga Greqia dhe se mund të kishin lidhje me Shqipërinë.

Tashmë kërkesa e 39 deputetëve i është drejtuar kryetarit të Kuvendit, Niko Peleshi, ndërsa çështja pritet të kalojë në procedurat parlamentare për shqyrtimin e kërkesës për ngritjen e Komisionit Hetimor.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Ish-banori i Big Brother VIP 1, Granit Cana, ka rrëfyer disa nga momentet më të vështira të jetës së tij.

Në një intervistë ekskluzive për ‘Shqipëria Live’, me Sidorela Gjonin, Cana ka treguar se vuan nga një sëmundje e rëndë prej gati 7 vitesh.

Ish-banori ka rrëfyer se edhe gjatë kohës kur ishte në Big Brother VIP ka vuajtur nga kjo sëmundje, por nuk kishte dëshirë të fliste për të kur ishte pjesë e reality show-t, sepse sipas tij do të dukej sikur po viktimizohej.

“Jam mirë, ka kohë që jam duke e vuajtur një pjesë, nuk e di a e quaj dot sëmundje. Kam gati 7 vite me këtë gjendje, ka filluar nga pak. Ka qenë shumë momentale, fillimisht më vinte si pamje e turbullt edhe zgjaste 5 minuta dhe ikte. Nuk e bëja të madhe. Kur u futa te Big Brother, më kanë thënë banorët: “Ua, të ikën sytë”. 2-3 herë u mundova të flisja pak. Ata thoshin se po viktimizohesha për lojë. Kur dola nga Big Brother, nuk e dija nëse kishte ndikuar ajo apo jo, ishte edhe stresi i lojës.

Nuk isha në gjendje as të flisja 2-3 fjalë, kisha edhe probleme të fokusohesha. Si fillim e pamë një lloj strabizmi te sytë, bëra disa kontrolle. Mjeku më tha: “Sytë i ke të shëndetshëm”. Më tha të bëja një skaner, se dyshonte për tumor në sinus. Edhe ajo doli në rregull, nuk dinim ku të drejtoheshim. Bëmë edhe analiza gjaku. Isha edhe te neurologët”, tha Cana.

Granit Cana ka rrëfyer se prej 2 vitesh ka vuajtur edhe nga depresioni, madje ka menduar edhe vetëvrasjen.

“Te vizita e fundit më kanë thënë që duhet të bëja një injeksion te shtylla kurrizore për të parë për një lloj infeksioni. Kam pasur momente shumë të vështira, i kam pasur nja 2 vite në depresion. Ka pasur momente që jam mbyllur në dhomë, kam qarë si fëmijë, kam pasur momente që mendoja më të keqen, të bëja diçka që nuk duhej bërë. Kam menduar pastaj për familjen. Jam njeri që besoj, jam besimtar, kjo më ka ndihmuar shumë”,rrëfeu ish-banori.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Ministri në detyrë i Punëve të Brendshme të Kosovës, Xhelal Sveçla, është dënuar me një vit burgim me kusht për hedhjen e gazit lotsjellës në Kuvend në vitin 2018.

Vendimi është marrë nga Gjykata Themelore në Prishtinë, e cila e ka shpallur fajtor Sveçlën për veprën penale “përdorim i armës apo mjetit të rrezikshëm”.

Dënimi është me kusht, çka do të thotë se Sveçla nuk do të vuajë dënimin me burg, nëse gjatë periudhës njëvjeçare të kushtit nuk kryen një tjetër vepër penale. Sveçla nuk ka qenë i pranishëm në sallën e gjyqit në momentin kur është shpallur vendimi.

Gjatë procesit gjyqësor, ministri në detyrë ishte deklaruar i pafajshëm. Hedhjen e gazit lotsjellës në Kuvend e kishte cilësuar si një aktivitet politik, duke argumentuar se në atë kohë, si deputet opozitar, po kundërshtonte ratifikimin e marrëveshjes për demarkacionin e kufirit me Malin e Zi.

Në të njëjtin proces gjyqësor janë të akuzuar edhe ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, ish-deputeti i Vetëvendosjes Salih Zyba dhe ish-deputetja e Lidhjes Demokratike të Kosovës Drita Millaku.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Kompania franceze Mistral po shndërrohet në rivalin kryesor europian të gjigantëve amerikanë të inteligjencës artificiale.

Kompania njoftoi sigurimin e tre miliardë eurove në një raund të ri financimi, i cilësuar si më i madhi në historinë e teknologjisë europiane. Marrëveshja e çon vlerën e Mistral në mbi 21 miliardë euro, thuajse dyfish krahasuar me një vit më parë.

Financimi u udhëhoq nga Samsung Electronics dhe do të përdoret për kërkimin shkencor, zhvillimin e produkteve, zgjerimin e infrastrukturës dhe hyrjen në tregje të reja ndërkombëtare. Drejtori ekzekutiv dhe bashkëthemeluesi Arthur Mensch deklaroi se kompania synon të ecë më shpejt, duke u mundësuar bizneseve përdorimin e inteligjencës artificiale me të dhënat dhe kushtet e tyre.

Ndryshe nga shumë platforma amerikane, Mistral u ofron kompanive mundësinë që modelet dhe informacionet të qëndrojnë brenda sistemeve të tyre. Kjo qasje ka rritur interesin e institucioneve dhe sipërmarrjeve europiane që kërkojnë më shumë siguri dhe sovranitet digjital.

Pas Europës, kompania synon të zgjerohet edhe në Lindjen e Mesme, Azi dhe Amerikën e Veriut.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Përplasja tregtare mes Shteteve të Bashkuara dhe Kanadasë po hyn në një fazë të re tensioni. Presidenti amerikan Donald Trump ka kërcënuar se do të ndalojë shitjen në SHBA të avionëve të kompanisë kanadeze Bombardier, nëse ata nuk prodhohen në territorin amerikan.

Kërcënimi i Trump erdhi vetëm pak orë përpara hyrjes në fuqi të tarifave të reja të Kanadasë ndaj produkteve amerikane, me vlerë rreth 20 miliardë dollarë.

Masat e Otavës hynë në fuqi në orën 00:01 të së martës dhe përfshijnë një rritje të ndjeshme të tarifave për disa kategori mallrash amerikane.

Ndër masat më të forta është rritja në 50% e tarifave për çelikun dhe aluminin amerikan, duke barazuar nivelin e taksave që SHBA-ja aplikon ndaj këtyre produkteve kanadeze.

Tarifa të reja do të aplikohen gjithashtu për produkte letre, materiale ndërtimi, pajisje elektroshtëpiake dhe produkte bujqësore.

Kryeministri kanadez Mark Carney ka deklaruar se Ottawa do të përgjigjet ndaj çdo mase të re të administratës Trump.

Në një deklaratë në rrjetin e tij social, Trump e kushtëzoi praninë e Bombardier në tregun amerikan me prodhimin në SHBA.

“Nëse duan tregun tonë, duhet të prodhojnë këtu”, deklaroi presidenti amerikan, duke akuzuar Kanadanë se e trajton SHBA-në si një burim financiar.

Bombardier, me seli në Montreal, reagoi duke theksuar se kompania ka një prani të konsiderueshme prodhuese në Shtetet e Bashkuara dhe se aktiviteti i saj ka krijuar dhjetëra mijëra vende pune në vend.

Përplasja e fundit vjen pasi negociatat tregtare mes dy vendeve u ndërprenë muajin e kaluar, në një kohë kur një marrëveshje dukej pranë.

Palët nuk arritën të zgjidhnin disa çështje të mbetura, ndërsa diskutimet u përqendruan edhe te rregullat për përmbajtjen kanadeze dhe frankofone në platformat e transmetimit, si dhe te kërkesat për etiketimin e produkteve në anglisht dhe frëngjisht.

Carney ka kritikuar publikisht mënyrën e negociimit nga pala amerikane, duke kërkuar që Uashingtoni të heqë dorë nga deklaratat politike dhe të rikthehet te bisedimet serioze.

Përshkallëzimi i konfliktit tregtar mund të prekë edhe sektorë të tjerë strategjikë.

Doug Ford, kryeministri i provincës së Ontarios, ka paralajmëruar mundësinë e vendosjes së kufizimeve ndaj eksporteve të energjisë elektrike drejt shteteve amerikane si Nju Jorku dhe Miçigani, të cilat furnizohen nga Kanadaja.

Kjo do ta çonte përplasjen përtej tarifave doganore dhe do të rriste presionin mbi konsumatorët dhe bizneset në të dyja anët e kufirit.

Shtetet e Bashkuara kanë një ekonomi shumë më të madhe se Kanadaja, por ekspertët paralajmërojnë se kjo nuk do të thotë se Washingtoni do të dalë i padëmtuar nga një luftë tregtare.

Dy vendet janë të ndërvarura në shumë sektorë, veçanërisht në industrinë automobilistike, energji dhe furnizime industriale.

Një shembull është industria e automjeteve, ku fabrikat në Kanada prodhojnë komponentë të specializuar për automjetet që montohen në SHBA. Zëvendësimi i menjëhershëm i këtyre furnizimeve me produkte nga vende të tjera nuk është i thjeshtë.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Menjëherë pas nisjes së votimit në Kuvend, depuetetët e PD-së kanë braktisur sallën e Kuvendit.

Gjithsesi, mazhoranca vazhdoi me pjesën e votimit, ku u zgjodh nënkryetarja e re e Kuvendit dhe ministrja e re e Shëndetësisë.

Pas votimeve, sesioni i kësaj të marte u mbyll.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.