Zjarri në Elbasan: gjendet i vdekur pronari i banesës, dy të vdekur gjithsej

Dy persona kanë humbur jetën nga zjarri që përfshiu katin e tretë të një pallati në lagjen “Qemal Stafa” në Elbasan. Policia e Shtetit bën me ddije se pas disa orësh kërkimesh, rreth orës 00:40, u gjet trupi pa jetë i pronarit të banesës, shtetasit H. I., 69 vjeç.

Më herët, në vendngjarje kishte humbur jetën edhe shtetasja H. B., 82 vjeçe.

Dhjetë banorë të dëmtuar

Gjatë ngjarjes u dëmtuan 10 banorë të të njëjtit pallat. Ata morën ndihmë mjekësore dhe u larguan nga spitali. Ngjarja la pppas edhe dëme të shumta materiale.

Kërkimet u zhvilluan nga Policia e Elbasanit së bashku me shërbimet e Forcave të Armatosura, të Emergjencave Civile dhe zjarrfikësit.

Çfarë dyshojnë hetuesit

• Sipas veprimeve paraprake, shpërthimi dhe zjarri që pasoi dyshohet se u shkaktuan nga prania e tepërt e gazit në banesën e 69-vjeçarit.
• Hetimin e kryejnë strukturat e Drejtorisë Vendore të Policisë Elbasan, me ekspertët xhenierë të RENEA-s, nën drejtimin e Prokurorisë së Elbasanit.
• Grupi i posaçëm hetimor vijon këqyrjen në vendin e ngjarjes dhe veprimet e tjera për të zbardhur plotësisht rrethanat dhe shkakun e shpërthimit.

Materialet procedurale iu referuan Prokurorisë për vlerësim.

Burimi: Policia e Shtetit

Shiko videon e lajmit

Video: BisedoShqip. Lexo lajmin e plotë në BisedoShqip.de.

Lexo edhe këto artikuj të ngjashëm:

• Tiranë: Dy të arrestuar për shitje droge, te njëri gjendet edhe pistoletë imituese
• Deputetët e Komisionit të Mbikëqyrjes monitorojnë sigurinë në shkolla në Elbasan, Peqin e Cërrik
• Dinamo Egnatia: dueli i javës së tetë luhet sot në Elbasan

About the Author

Redaksia BisedoShqip

Editor

View All Posts