Kurti takon Lord Wood of Anfield në Samitin e Berlinit, flet për bashkëpunimin me Britaninë

Kryeministri i Kosovës, Albin Kurti, u takua dje pasdite me Lord Wood of Anfield, nënsekretar parlamentar i shtetit për Evropën në Ministrinë e Jashtme të Mbretërisë së Bashkuar. Takimi u mbajt në kuadër të Samitit të Liderëve të Procesit të Berlinit.

Dialog i vazhdueshëm me Londrën

Ssipas Kurtit, dialogu me Londrën është i ngushtë dhe i vazhdueshëm. Ai tha se takimi me Lord Wood vjen pas dy bisedave të dymuajshme me të Dërguarën e Posaçme për Ballkanin Perëndimor, Dame Karen Pierce. Njëra u zhvillua në Asamblenë e Përgjithshme të OKB-së në New York, tjetra përmes telefonit nga Prishtina.

Kryeministri e quajti Mbretërinë e Bashkuar mike dhe aleate kyçe të Kosovës në çdo etapë të zhvillimit, nga çlirimi dhe pavarësia deri te demokracia e sotme. Sipas tij, ajo mbetet ndër zërat më të fuqishëm për integrimin euroatlantik të vendit.

Fokusi te reformat

Kurti tha se tani, me institucione plotësisht funksionale, Qeveria është e përqendruar te reformat dhe zhvillimi. Ai shtoi se ka hapësirë më të madhe për bashkëpunim me Mbretërinë e Bashkuar, nga mbrojtja deri te Lojërat Mesdhetare Prishtina 2030.

Burimi: Zyra e Kryeministrit të Kosovës

Shiko videon e lajmit

Video: BisedoShqip. Lexo lajmin e plotë në BisedoShqip.de.

Lexo edhe këto artikuj të ngjashëm:

• Kurti takon ambasadorin hungarez Dux, flasin për KFOR-in dhe bashkëpunimin ekonomik
• Kurti takohet me BE: reformat dhe integrimi në fokus
• Ministri Nufi takon komandantin e ri të KFOR-it, Gjeneralmajor Roberto Vergori
• Kurti: KRE do të ruajë energjinë me bateri në Istog, kapacitet i ri prej 340 MWh
• Kryeministri Kurti i drejtohet Qeverisë në mbledhjen e radhës

About the Author

Redaksia BisedoShqip

Editor

View All Posts