Foto: Zyra e Kryeministrit të Kosovës
Kryenegociatori i Kosovës me Bashkimin Evropian, Jeton Zulfaj, u takua sot në Bruksel me Komisioneren Evropiane për Zgjerim, Marta Kos, për të diskutuar avancimin e procesit të anëtarësimit të Kosovës në BE.
Progresi i reformave
Zulfaj paraqiti përparimin e Kosovës në forcimin e sundimit të ligjit, konsolidimin e institucioneve demokratike dhe zbatimin e reformave. Ai theksoi përkushtimin e vendit ndaj vlerave themelore të BE-së dhe harmonizimin e plotë me Politikën e Përbashkët të Jashtme dhe të Sigurisë.
Në takim u shqyrtua edhe progresi në kuadër të Planit të Rritjes, integrimi në sistemin SEPA dhe nismën "Roam Like at Home". Ssipas Zulfajt, qeveria po i trajton këto procese me prioritet.
Aplikimi për anëtarësim
Kryenegociatori vuri në fokus aplikimin e Kosovës për anëtarësim në BE, të dorëzuar më 15 dhjetor 2022. Ai falënderoi Komisioneren Kos për angazhimin në procesin e zgjerimit dhe theksoi rëndësinë e mbështetjes proaktive të Komisionit për dorëzimin e pyetësorit, dhënien e statusit të kandidatit dhe hapjen e negociatave.
Zulfaj tha se Kosova i njeh sfidat e procesit dhe se ato do të adresohen gjatë rrugës drejt anëtarësimit. Sipas tij, qytetarët e Kosovës janë mirënjohës për mbështetjen dhe investimet e BE-së dhe i kanë shndërruar ato në ndërtimin e një shteti me demokraci funksionale, të drejta të barabarta dhe siguri për të gjithë.
Dhomat e Specializuara
Në takim u diskutua edhe ligji i miratuar nga Kuvendi i Kosovës për Dhomat e Specializuara. Zulfaj shpjegoi kontekstin e miratimit të tij dhe tha se verdikti i 16 shtatorit ishte i padrejtë dhe pritet të korrigjohet në shkallën e apelit. Sipas tij, qeveria ka formuar një grup punues për strategji shtetërore.
Në përfundim, Zulfaj e falënderoi Komisioneren Kos për takimin dhe shprehu përkushtimin për vazhdimin e reformave dhe të bashkëpunimit të ngushtë me institucionet e BE-së.
Burimi: Zyra e Kryeministrit të Kosovës
Lexo edhe këto artikuj të ngjashëm:
About the Author
💬 Diskuto këtë lajm live në Chat Shqip
Çfarë mendon ti? Bashkohu me shqiptarët nga Shqipëria, Kosova dhe diaspora në BisedoShqip Chat – falas dhe pa regjistrim.
Hyr në Chat Shqip →📢 Merr lajmet e para në Telegram
Lajmet nga Shqipëria, Kosova dhe diaspora, sapo ndodhin – direkt në telefonin tënd.
Bashkohu në kanalin @bisedoshqip →
1 thought on “Zulfaj takohet në Bruksel me Komisioneren Marta Kos për procesin e anëtarësimit në BE”