“Fundi i regjimit iranian po afron”, Netanyahu: Izraeli do e çojë deri në fund misionin e tij

Kryeministri izraelit, Benjamin Netanyahu tha se vendi i tij ishte i vendosur të përmbyste regjimin iranian, duke deklaruar se “fundi i tij po afron”.

“Regjimi është i dobët, po lufton për jetën e tij, po lëkundet”, tha kryeministri izraelit, duke paralajmëruar se nëse Teherani “bën gabimin” e sulmit ndaj Izraelit, do të pësojë një goditje që as nuk mund ta imagjinojë”.

Deklaratat e tij vijnë mes shqetësimeve se Irani mund të nisë një sulm ndaj Izraelit gjatë sezonit të festave hebraike, i cili fillon javën e ardhshme.

Netanyahu kishte bërë deklarata të ngjashme të enjten, duke e përshkruar përmbysjen e regjimit iranian si “misionin qendror” të Izraelit.

Në të njëjtën kohë, ai pranoi se operacionet ushtarake të Izraelit që nga pushtimi dhe masakra e 7 tetorit 2023, të udhëhequra nga Hamasi, kontribuan në pengimin e kërcënimeve bërthamore dhe raketore iraniane.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• Berisha në SHBA, takim me përfaqësuesit e Diasporës: Në 10 vitet e fundit, 46% e shqiptarëve janë larguar
• Ish-partneri e kishte rrëmbyer dhe rrahur, telefonata e fundit e 46-vjeçares italiane para se të hidhej nga ura: Çfarë po bën? Të dua…
• Kushner dhe Witkoff bisedime me Zelenskyn në Kiev: Ishte një diskutim i rëndësishëm për afrimin e fundit të luftës
• Video/ Tensionet rriten në Gjirin Persik, SHBA shkatërron tre anije iraniane: Kostoja do të jetë edhe më e madhe