Kategoria e Parë/ Korabi e nis sezonin me fitore, barazim spektakolar në Besa-Flamurtari

Korabi e nisi me këmbë të mbarë sezonin e ri në Kategorinë e Parë. Skuadra dibrane arriti të fitojë në sfidën e saj të javës së parë ndaj Orikut me rezultatin e ngushtë 1-0.

Ishte një fitore kjo që erdhi vetëm në minutat shtesë të sfidës për Korabin, heroi i të cilit u bë Spahiu autori i golit për dibranët që morën kështu 3 pikët e para.

Besa dhe Flamurtari dhuruan spektakël në përballjen mes tyre, por që nuk dha asnjë fitues pasi ky 90 minutësh u mbyll me barazimin 3-3. Për skuadrën kavajase protagonisti absolut ishte Ruzgis autori i të 3 golave për Besën, por sa Flamurtari iu përgjigj golave të tij me ata të Migones, Gjatës dhe Lushajt dhe kështu sfida u mbyll 3-3 me të dyja skuadrat që morën nga një pikë.

Nuk pati fitues as në sfidën mes Burrelit dhe Kastriotit që u mbyll me barazimin 2-2, një sfidë që skuadra krutane e mbylli me 10 futbollistë pas ndëshkimit me karton të kuq të Hasës. Skuadra krutane mori avantazhin e dyfishtë me golat e Kapllanit, por Burreli arriti t’i kundërpërgjigjej duke shënuar me Erblin Kokën dhe Albi Xhabraimin për të fiksuar rezultatin në 2-2.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• Top Channel hap sezonin e ri/ Sara Hoxha: Pas 25 vitesh histori, ndryshojmë për të mbetur zgjedhja e parë e shqiptarëve
• Athletic Bilbao “shpërthen” në pjesën e dytë dhe turpëron Atletico Madridin, tre gola dhe një fitore spektakolare në “San Mames”
• Kategoria e Parë nis me surpriza/ Kukësi bind ndaj Besëlidhjes, Bylisi dhe Pogradeci ndalen në start