Muzikë popullore në Elbasan, edicioni i XIX-të i Festivalit Folklorik Tipologjik Kombëtar të Këngës Popullore Qytetare
Elbasani është shndërruar në kryeqendrën e traditës me çeljen e edicionit të XIX-të të Festivalit Folklorik Tipologjik Kombëtar të Këngës Popullore Qytetare.
Për dy net me radhë, qyteti do të vibrojë nën tingujt e trashëgimisë sonë kulturore, me pjesëmarrjen e 12 grupeve artistike nga visa të ndryshme të vendit që sjellin veçantitë e repertorit dhe veshjeve të tyre karakteristike.
Sipari i natës së parë u hap me interpretime nga grupet folklorike të Elbasanit, Fierit, Pogradecit dhe Këlcyrës. Për pjesëmarrësit dhe drejtuesit artistikë, ruajtja e kësaj muzike mbetet një shtyllë kryesore e identitetit kombëtar.
Gjatë dy netëve festive, performancat e artistëve do të vlerësohen nga një juri profesionale, e cila në përfundim do të shpallë edhe grupin fitues. Festivali mblodhi në sheshin kryesor të Elbasanit qindra qytetarë, të cilët shoqëruan me duartrokitje dhe kërcime çdo interpretim.
© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.