“Jam shumë e dashuruar, ai është një bekim”/ Selin Bollati zbulon dhuratën më të shtrenjtë nga Gimbo, tregon detajet nga bashkëjetesa pas BBVIP 5

Fituesja e Big Brother VIP 5, Selin Bollati, ka ndarë shumë detaje nga jeta e saj pas reality show-t.

E ftuar në një intervistë ekskluzive në “Ftesë në 5” me Bieta Sulon, Selin ka folur edhe për marrëdhënien e saj me Gimbon.

Fituesja e Big Brother VIP 5 ka treguar edhe dhuratën më të shtrenjtë që ka marrë nga Gimbo pas daljes nga shtëpia, ku mes 24 dhuratave që ish-banori i kishte bërë për 24-vjetorin e saj, ishte edhe një makinë e re.

“Gimbo, kam shumë ankesa, por nuk është ky vendi për t’i thënë. Jam shumë krenare dhe kam qenë një suport shumë i madh për Gimbon gjatë sezonit veror. Unë doja pushime, por nuk ka qenë ky rasti. Jam ndjerë shumë mirë që ka qenë shumë i suksesshëm për të si sezon. Dhurata më e shtrenjtë, dëgjo, se kur flas për dhurata më vijnë gjithmonë gjërat jo materiale, por shpirtërore. Gimbo është dorëlëshuar dhe zemërgjerë.

Unë nuk jam natyrë që festoj ditëlindje, por një nga dhuratat më të mëdha kanë qenë 24 dhuratat për 24 vitet që mbushja. Më e shtrenjta ka qenë një makinë e re. Nuk doja të ekspozoja gjë në Instagram. Jam shumë e kujdesshme, edhe pse njerëzit janë shumë kuriozë se çfarë po bëjmë. Më vjen keq sa herë dëgjoj llafe lart e poshtë që nuk kanë të ndalur. Të qenurit VIP ka koston e vet. Kam dëgjuar që jam bërë mendjemadhe, arrogante, nuk na flitet, jo. Jeta nuk ka ndryshuar”,u shpreh Selin.

Selin ka treguar se ka nisur bashkëjetesën me Gimbon dhe për të shprehet se është një djalë me zemër të madhe dhe shumë familjar.

“Jam e dashuruar, këtë e kam kuptuar më shumë pas Big Brother. Gimbo është një djalë me zemër të madhe, është shumë i kujdesshëm. Unë marr shumë mesazhe në ditë, herë-herë nga njerëz që thonë: “Ti je me fat për atë djalë.” Është shumë herë më i mirë se unë. Partneri është një bekim i madh. Jam me fat për marrëdhënien tonë. E plotëson pazëllin e idesë që unë kam pasur për partnerin tim. Thashë që nuk e doja DJ, por nuk doli keq. Gimbo është shumë familjar. Ne kemi nisur bashkëjetesën, Gimbo na gatuan”,tha Selin.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• Lodhje? Rathë të zinj nën sy? Si ta kuptoni nëse është mungesë hekuri
• “Këtu nuk ka rregulla, s’është si te Mercedesi”/ Hamilton ‘shpërthen’ ndaj Ferrarit dhe Leclerc: Tani kampionati për mua mbaroi
• “Shqipëria është ekperiment për idetë e të majtës ekstremiste”, Berisha nga New Jersey: Sot kërkoj mbështetje nga SHBA për largimin e narkoshtetit
• “E kam ëndërruar gjithmonë”/ Selin Bollati rikthehet në Top Channel, fituesja e BBVIP 5 zbulon surprizën e sezonit të ri
• “E kemi përjetuar shumë keq ngjarjen”/ Reagon për herë të parë babai i Edi Kuçit për Shqipëria Live: Postimet që qarkullojnë nuk janë bërë nga unë