“Kam bashkëpunuar në koncerte me të”/ Vdekja Giorgos Mazonakis, këngëtari shqiptar: Ka qenë një hap para të tjerëve, eksperimentues në çdo lloj gjëje

Këngëtari shqiptar Arjan Dredhasi ka folur për vdekjen e Giorgos Mazonakis, këngëtari grek i cili ndërroi jetë një ditë më parë pas një arresti kardiak.

Ai ka treguar në “Shqipëria Live” se e njihte personalisht këngëtarin dhe se para shumë vitesh kanë bashkëpunuar me njëri-tjetrin.

Po ashtu ai ka treguar edhe disa detaje rreth karrierës së këngëtarit Mazonakis.

“Para shumë vitesh kam punuar me Giorgion. Siç e dinë shumica e miqve të mi, unë kam punuar për rreth 25 vite në Greqi. Giorgo ka qenë një super njeri, super këngëtar. Unë jam i shokuar me humbjen e këtij këngetari, gjithmonë ka qenë avangard. Eksperimentues në çdo lloj gjëje, më duket e pabesueshme kjo që po dëgjoj.

Unë për veten time, në dy tre herë që kemi bashkëpunuar në koncerte nuk kam parë që të merrte substanca, nuk e di për më vonë. Ishte një ikje shumë e shpejtë nga jeta, ai ka qenë një hap para të tjerëve. Një humbje e mahde për pentagramin grek.

Jetën e shijonte pafund, nuk ka pasur kurrësesi presion nga audienca. Flas për vitet 2005 kur kemi bahkëpunuar në koncerte. Në veshje po e po, sidomos në këtë kohë që jetojmë ne ka qenë gjithmonë i të resë. Ka qenë nga këngëtarët më në zë”, u shpreh ai.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• Një nga ikonat e muzikës greke/ Kush ishte Giorgos Mazonakis që prej vitesh pushtoi skenën, këngët që shënjuan karrierën e tij
• Arti grek në zi, ndahet nga jeta parakohe këngëtari i mirënjohur Giorgos Mazonakis
• “Ishte tekanjoz, kërkonte shumë”/ Grimieri i George Mazonakis tregon detaje nga bashkëpunimi me këngëtarin grek: Ishte besimtar, para çdo koncerti…