Video/ Broja përplaset me tifozin pas humbjes, sulmuesi i Kombëtares: Kam qenë jashtë për një vit

Armando Broja është përfshirë në një moment tensioni pas përfundimit të ndeshjes së sotme të Burnleyt, teksa sulmuesi shqiptar u përplas verbalisht me një tifoz të skuadrës së tij.

Burnley humbi 2-1 në shtëpi ndaj Bristol City dhe pas vërshëllimave të tifozëve, situata u tensionua jashtë fushës. Broja, i cili ishte aktivizuar në pjesën e dytë, iu drejtua një prej mbështetësve që po e kritikonte, duke reaguar i irrituar ndaj komenteve të tij.

Në pamjet e publikuara në rrjetet sociale, sulmuesi i Kombëtares shqiptare shihet duke debatuar me tifozin, ndërsa në një moment dëgjohet të thotë: “Kam qenë jashtë për një vit, nuk kam luajtur për një vit.”

Nice striker least he’s been paid for a year@BurnleyOfficial#twitterclaretspic.twitter.com/XQJfVfSIZT

— Charlie Warrender (@Charwarrender19)September 5, 2026

Situata nuk shkoi më tej, pasi Broja u largua nga vendi i ngjarjes i shoqëruar nga një pjesëtar i sigurisë.

Reagimi i sulmuesit vjen në një periudhë kur Burnley po përballet me kritika nga tifozët për rezultatet dhe lëvizjet e klubit në merkato.

Humbja ndaj Bristol City ishte një tjetër zhgënjim për skuadrën, ndërsa Broja nuk arriti të ndryshonte fatin e takimit pas aktivizimit të tij.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• “Jemi aktorë”, video e dhunës ndaj Edi Kuçit, reagon për TCH Jozefin Marku, tregon çfarë ndodhi
• Live Inter-Napoli/ Spektakël në “San Siro”! Tre gola në 6 minuta, Lautaro rihap sfidën (Video)
• Video/ Supergol nga distanca, mesfushori shqiptar ndëshkon Dortmundin në sfidën e kampionatit
• Live Inter-Napoli/ Spektakël në “San Siro”! Tre gola në 6 minuta, Lautaro rihap sfidën (Video)
• Video/ Tensionet rriten në Gjirin Persik, SHBA shkatërron tre anije iraniane: Kostoja do të jetë edhe më e madhe