Punë në Gjermani

Risia e vitit të ri shkollor është leja e përdorimit të inteligjencës artificiale nga mësuesit dhe nxënësit në gjithë sistemin parauniversitar.

Ministria e Arsimit ka hartuar një udhëzues për IA në shkolla me mjete si CHATGPT, GEMINI, FULL FACT, etj që duhet të mbështesë dhe jo të zëvendësojë aftësitë njerëzore.

Në dokumentin e siguruar ekskluzivisht nga Top Channel, mësuesve ju jepet e drejta të hartojnë përmes inteligjencës artificiale materiale për mësimdhënien në klasë si krijimi i ushtrimeve, pyetjeve, provimeve apo edhe për vlerësimin e nxënësve në fusha të ndryshme të të nxënit, duke përfshirë lëndën e gjuhës shqipe dhe gjuhëve të huaja, matematikën deri te artet dhe edukimi fizik.

IA mund të përdoret edhe për përkthimin e teksteve apo edhe për të korrigjuar gabimet gjuhësore. Udhëzuesi jep edhe shembuj kërkesash për planifikimin e një ore mësimore, me detaje mbi temën, lëndën dhe klasën.

“Në një klasë, nxënësit kanë ritme, stile, interesa dhe nevoja të ndryshme të të nxënit. Inteligjenca artificiale mund të ndihmojë në përgatitjen e detyrave me nivele të ndryshme vështirësie, në thjeshtimin e shpjegimeve, në krijimin e ushtrimeve shtesë për nxënësit që kanë nevojë për mbështetje, ose në ofrimin e sfidave më të avancuara për nxënësit që ecin më shpejt”, thotë Agjencia e Sigurimit të Clësisë së Arsimit.

Udhëzuesi ka si qëllim edhe që nxënësit ta përdorin IA në mënyrë të përgjegjshme për të kërkuar informacion, për të realizuar projekte dhe për të zhvilluar kreativitetin, por sfidë mbetet rreziku i dezinformimit, varësisë digjitale, cenimit të privatësisë dhe përdorimit joetik të përmbajtjeve të gjeneruara nga inteligjenca artificiale.

Ndaj orientohen që të kenë në fokus verifikimin e përmbajtjes të gjeneruar me IA, mbrojtjen e të dhënave personale dhe rolin vendimmarrës e ruan mësuesi.

“Shmangia e plagjiaturës kërkon që nxënësit të mësojnë të dallojnë ndërmjet ndihmës së pranueshme dhe kopjimit. Përdorimi i IA-së për të kuptuar një koncept, për të marrë sugjerime ose për të përmirësuar një draft mund të jetë i pranueshëm, nëse nxënësi mendon, përpunon dhe krijon vetë. Por kopjimi i drejtpërdrejtë i përgjigjeve të IA-së, cënon integritetin akademik. Për të nxitur përdorimin e ndershëm, mësuesi mund t’u kërkojë nxënësve të shpjegojnë procesin e punës, jo vetëm produktin përfundimtar”, thotë agjencia.

Me rëndësi vlerësohet anonimizimi, që kur mësuesi apo nxënësi përdor IA për të përgatitur materiale mësimore, duhet të heqë emrat, inicialet, fotografitë, emrin e shkollës dhe çdo detaj tjetër që mund ta bëjë personin të identifikueshëm.

Ky zhvillim për Shqipërinë është bazuar në udhëzuesin e UNESCO-s për politikëbërësit në arsim, ku  IA-ja trajtohet si një mundësi për të përmirësuar cilësinë e arsimit dhe për të mbështetur nxënësit me nevoja të ndryshme, por vetëm nëse përdoren politika të qarta nga mësues të përgatitur dhe me masa për mbrojtjen e nxënësve. Pikëpyetja është sa gati janë shkollat shqiptare për të ligjëruar inteligjencën artificiale në mësim?

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Një situatë alarmante është krijuar në Njësinë Administrative Ungrej, në Lezhë, ku zjarri përparoi me shpejtësi në zonën e fshatrave Rras dhe Zimaj.

Përmes një reagimi publik, deputeti demokrat dhe nënkryetari i Kuvendit Agron Gjekmarkaj ka ngritur alarmin për përhapjen e flakëve, të cilat, sipas tij, janë afruar rrezikshëm pranë banesave, kishave dhe varrezave të komunitetit. Në pamje shihet që disa prej varrezave janë djegur.

Gjekmarkaj thekson se rreziku nuk lidhet më vetëm me sipërfaqet pyjore, pasi flakët tashmë kërcënojnë drejtpërdrejt zonat e banuara dhe vendet e shenjta të fshatrave.

“Situatë tejet e rëndë në Rras dhe Zimaj”, shkruan Gjekmarkaj, duke kërkuar ndërhyrje urgjente nga institucionet përgjegjëse.

Sipas tij, banorët ndodhen përballë një situate të rëndë dhe nevojitet mobilizimi i të gjitha forcave dhe mjeteve në dispozicion për të frenuar përparimin e zjarrit dhe për të mbrojtur banesat.

“Çdo minutë vonesë e rëndon më shumë situatën”, apelon Gjekmarkaj, ndërsa kërkon reagim të menjëhershëm nga autoritetet përballë rrezikut që u kanoset banorëve të Ungrejt.

ALARM NË UNGREJ!Situatë tejet e rëndë në Rras dhe Zimaj, Njësia Administrative Ungrej, Lezhë. Zjarri po përparon me shpejtësi dhe flakët janë afruar rrezikshëm pranë banesave, kishave dhe varrezave të fshatrave.

Nuk kërcënohen vetëm pyjet. Rreziku ka mbërritur pranë shtëpive dhe vendeve të shenjta ku prehen të afërmit e këtij komuniteti.

Banorët janë përballë një situate alarmante dhe kërkohet ndërhyrje urgjente dhe e menjëhershme nga institucionet përgjegjëse, me të gjitha mjetet dhe forcat në dispozicion. Çdo minutë vonesë e rëndon më shumë situatën.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Një pamje e lodhur, zbehje e fytyrës dhe rrathë të errët rreth syve janë bërë virale në rrjetet sociale nën termin “ferritin face”, me influencues që pretendojnë se këto shenja mund të tregojnë mungesë hekuri në organizëm.

Mungesa e hekurit është një nga problemet ushqyese më të përhapura në botë dhe, sipas ekspertëve, shpesh neglizhohet. Në Shtetet e Bashkuara, ajo prek pothuajse një në tre të rritur, me gratë që përbëjnë një pjesë të konsiderueshme të rasteve.

Hekuri është një mineral thelbësor për prodhimin e hemoglobinës, proteinës në qelizat e kuqe të gjakut që transporton oksigjenin në të gjithë trupin. Ndërsa ferritina është proteina që ruan hekurin në organizëm.

Mungesa e hekurit mund të shkaktohet nga humbja e gjakut, marrja e pamjaftueshme e ushqimeve të pasura me hekur, vështirësitë në përthithjen e tij, shtatzënia, dializa dhe faktorë të tjerë.

Lodhja është një nga shenjat kryesore, por mund të shfaqen edhe rënie e flokëve, dhimbje koke, vështirësi në frymëmarrje, marramendje dhe, në raste të rënda, dëshira për të konsumuar substanca që nuk janë ushqim, si akulli, boja, shkumësi, letra apo dheu. Inflamacioni i gjuhës dhe ndryshimet në thonj mund të shfaqen gjithashtu në raste të avancuara.

Mjekët mund të kontrollojnë nivelet e hemoglobinës për të zbuluar problemet me hekurin. Megjithatë, kjo analizë nuk mat ferritinën dhe mund të mos tregojë mungesën e hekurit derisa rezervat e organizmit të jenë varfëruar ndjeshëm.

Për këtë arsye, ekspertët theksojnë rëndësinë e analizës së ferritinës, e cila mund të zbulojë mungesën e hekurit në fazat e hershme, përpara se ajo të përparojë në anemi.

Në përgjithësi, një nivel ferritine nën 30 nanogramë për mililitër konsiderohet tregues i mungesës së hekurit. Megjithatë, disa mjekë argumentojnë se pragu duhet të jetë më i lartë dhe se mungesa duhet të merret në konsideratë edhe kur ferritina bie nën 50 nanogramë për mililitër, veçanërisht te gratë ose personat që kanë simptoma.

Gratë janë veçanërisht të rrezikuara për shkak të humbjes së gjakut gjatë menstruacioneve. Diferenca mes niveleve të hekurit te gratë dhe burrat nis që në pubertet, kur vajzat fillojnë menstruacionet, dhe mund të vazhdojë deri në menopauzë.

Edhe gratë që kanë menstruacione të bollshme mund të mos e kuptojnë se kanë mungesë hekuri, pasi shpesh nuk testohen për këtë problem.

Jo gjithmonë problemi lidhet me ushqimin. Disa sëmundje dhe gjendje shëndetësore mund të pengojnë përthithjen e hekurit në organizëm.

Personat që kanë kryer ndërhyrje kirurgjikale bariatrike ose në stomak mund të kenë vështirësi në përthithjen e hekurit. Edhe infeksioni me H. pylori, përdorimi i zgjatur i disa medikamenteve kundër refluksit të acidit, sëmundja celiake dhe sëmundjet inflamatore të zorrëve mund të ndikojnë në përthithjen e mineralit.

Inflamacioni kronik, i lidhur me sëmundje autoimune, sëmundje të veshkave, insuficiencë kardiake apo kancer, mund të rrisë nivelin e hormonit hepcidin, i cili pengon përthithjen e hekurit në zorrë.

Ekspertët theksojnë se simptomat e mungesës së hekurit janë të përgjithshme dhe mund të lidhen me shumë probleme të tjera shëndetësore. Për këtë arsye, në rast të simptomave të dyshimta, rekomandohet konsultimi me mjekun dhe kryerja e një paneli të plotë analizash për hekurin, dhe jo vetëm një test i ferritinës.

Trajtimi varet nga niveli i mungesës dhe nga shkaku që e ka shkaktuar atë.

Hekuri mund të merret në formën e tabletave ose të administrohet në mënyrë intravenoze nga një profesionist shëndetësor. Tabletat e hekurit janë një nga trajtimet më të zakonshme, por një numër i konsiderueshëm pacientësh mund të përjetojnë efekte anësore gastrointestinale.

Nëse nivelet e hekurit nuk përmirësohen pas disa muajsh trajtim, mjekët mund të rekomandojnë infuzione me hekur.

Megjithatë, suplementet dhe infuzionet nuk e zgjidhin domosdoshmërisht shkakun e mungesës. Nëse problemi vjen nga humbja e gjakut, përthithja e dobët ose një sëmundje tjetër, duhet trajtuar edhe shkaku themelor.

Ekspertët paralajmërojnë se nuk duhet nisur përdorimi i suplementeve të hekurit vetëm për shkak të lodhjes.

Marrja e hekurit kur organizmi nuk ka mungesë mund të çojë në grumbullim të tepërt të tij, gjë që mund të shkaktojë probleme shëndetësore. Rreziku është veçanërisht i madh te personat me hemokromatozë, një prirje gjenetike për të përthithur sasi të tepërta hekuri, e cila mund të dëmtojë mëlçinë, zemrën dhe pankreasin.

Për të rritur marrjen e hekurit përmes ushqimit, ekspertët rekomandojnë mishin dhe produktet e detit, të cilat përmbajnë hekur që përthithet më lehtë nga organizmi.

Edhe ushqimet bimore si fasulet, perimet me gjethe jeshile dhe drithërat e pasuruara mund të jenë burime të mira hekuri. Kombinimi i tyre me ushqime të pasura me vitaminë C, si agrumet, manaferrat, specat apo domatet, ndihmon në përthithjen e mineralit.

Ndërkohë, personat që ndjekin një dietë vegjetariane kanë nevojë për më shumë hekur, pasi organizmi përthith më pak hekur nga burimet bimore. Ekspertët këshillojnë gjithashtu shmangien e çajit, kafesë dhe produkteve të qumështit për disa orë rreth vakteve të pasura me hekur, pasi këto mund të pengojnë përthithjen e tij.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

E ftuar në nisje të sezonit të ri të emisionit “Në shtëpinë tonë” me Alban Musën, këngëtarja Silva Gunbardhi ka bërë një rrëfim të sinqertë për karrierën, familjen, miqësitë dhe momentet më të vështira që ka përjetuar ndër vite.

Artistja u ndal te fillimet e saj në muzikë, duke treguar se rruga drejt suksesit nuk ka qenë aspak e lehtë. “Ishte e vështirë të çaje dikur. Rrija te shkallët e radios dhe më thoshin ‘kam punë’”, kujtoi ajo, duke folur për periudhën kur përpiqej të gjente hapësirat e para në muzikë.

Gjatë intervistës, Silva foli edhe për miqësitë që i kanë rezistuar kohës, duke veçuar Eranda Libohovën dhe Irini Qirjakon si dy prej mikeshave të saj më të afërta.

Këngëtarja u ndal edhe te një prej këngëve më të suksesshme të karrierës së saj, “Të ka lali shpirt”, duke bërë një deklaratë që ngjalli interes. “Nuk e kam gëzuar asnjëherë këngën ‘Të ka lali shpirt’”, u shpreh Silva Gunbardhi.

Artistja foli edhe për situata që e kanë lënduar ndër vite, veçanërisht për lajmet dhe komentet e pavërteta që kanë qarkulluar për të. “Askush nga gazetarët nuk tha më fal”, tha ajo.

Ndërkohë, nuk i “shpëtoi” as pyetjes së Albanit lidhur me videon e publikuar që po qarkullon me shpejtësi në rrjetet sociale dhe ka tërhequr vëmendjen e ndjekësve, pasi në të shfaqet këngëtari Mandi i Nishtullës në një gjendje të rënduar. “Është jeta e tij personale dhe nuk mendoj se duhej publikuar ajo video, është cenim i privatësisë”, u shpreh këngëtarja.

Mes rrëfimeve për karrierën dhe jetën personale, këngëtarja ndau edhe një dëshirë të madhe për të ardhmen.“Dua një tufë me fëmijë”, u shpreh ajo.

Me 26 vite karrierë në skenë, Silva Gunbardhi solli për publikun një rrëfim të hapur dhe plot emocione, duke ndarë histori, kujtime dhe mendime mbi rrugëtimin e saj artistik dhe personal.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Pushimet kthehen në tragjedi për familjen nga Kosova.

Rreth orës 15:15, në zonën e “Plazhit të Vogël”, Velipojë, shtetasi kosovar S. B., 68 vjeç, dyshohet se gjatë kohës që po lahej në det, ka pësuar një arrest kardiak dhe për pasojë, është mbytur.

Grupi hetimor vijon punën për sqarimin dhe dokumentimin e plotë të rrethanave të ngjarjes.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Top Story rikthehet sonte në ekranin e Top Channel, duke çelur sezonin e ri me një dosje që ngre pikëpyetje mbi pronën, pretendimet për të dhe vendimmarrjen e institucioneve shtetërore.

Gjatë verës, shumë histori nisën, të tjera morën kthesa, ndërsa disa pyetje mbetën pezull. Pyetje që nuk u mbyllën me përfundimin e gushtit dhe që kërkojnë ende përgjigje.

Në sezonin e ri, Top Story rikthehet me dokumente, dëshmi dhe investigime, duke vendosur përballë fakteve çështje që kanë interes publik dhe pyetje që nuk mund të mbeten pa përgjigje.

Dosja e parë e këtij sezoni mban emrin “Palasa”.

Në qendër të saj është një sipërfaqe e madhe toke në zonën e Palasës, dy pretendime mbi të, një konflikt dhe një vendim i shtetit.

Kush e humbi tokën? Si nisi përplasja dhe çfarë tregojnë dokumentet? Çfarë roli kanë pasur institucionet dhe mbi çfarë baze është marrë vendimi i shtetit?

Dokumentet dhe faktet e dosjes “Palasa” do të zbërthehen në puntatën e parë të sezonit të ri të Top Story-t.

A post shared by Top Story- Top Channel (@topstory_tch)

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Rusia dhe Koreja e Veriut kanë hapur urën e parë rrugore që lidh drejtpërdrejt dy vendet përgjatë kufirit të tyre të përbashkët, në një tjetër shenjë të forcimit të marrëdhënieve mes Moskës dhe Phenianit.

Ura, me gjatësi rreth një kilometër, kalon mbi lumin Tumen dhe lidh Khasanin në Lindjen e Largët të Rusisë me Tumangangun në Korenë e Veriut. Ajo ndodhet në një zonë të largët dhe me popullsi të pakët, pranë bregdetit.

Ceremonia einaugurimitu zhvillua të hënën, ndërsa kryeministri rus, Mikhail Mishustin, mori pjesë përmes videolidhjes. Ai deklaroi se ura e re do të ndihmojë në rritjen e bashkëpunimit mes dy vendeve dhe do të ndikojë në zhvillimin e turizmit, ekonomisë dhe krijimin e vendeve të reja të punës.

“Jam i bindur se zgjerimi i infrastrukturës së transportit ndërkufitar do të ofrojë një shtysë të fuqishme për zhvillimin e mëtejshëm të bashkëpunimit tregtar, ekonomik, shkencor, teknologjik dhe kulturor”,tha Mishustin.

Ura mban emrin e Yakov Novichenkos, një oficeri sovjetik që njihet për shpëtimin e liderit themelues të Koresë së Veriut, Kim Il-sung, gjatë një atentati.

Pas ceremonisë së hapjes, automjete nga të dyja vendet kaluan përmes urës, duke shënuar funksionimin e lidhjes së re tokësore.

Rusia dhe Koreja e Veriut kanë tashmë një tjetër lidhje fizike përmes një ure hekurudhore mbi lumin Tumen, e njohur si “Ura e Miqësisë”. Ky është aktualisht kalimi hekurudhor që lidh dy vendet. Mes tyre ka gjithashtu fluturime të rregullta që lidhin Vladivostokun me Phenianin.

Megjithatë, ndërtimi i urës së re rrugore ka ngjallur edhe shqetësime për përdorimin e saj të mundshëm për qëllime logjistike dhe ushtarake.

Organizata ukrainase për të drejtat e njeriut Truth Hounds ka paralajmëruar se ura mund të shërbejë në të ardhmen si një korridor për lëvizjen e trupave të Koresë së Veriut, brigadave të ndërtimit dhe zyrtarëve ushtarakë drejt Rusisë. Sipas organizatës, në drejtimin e kundërt mund të lëvizin teknologji dhe burime ruse, duke e bërë më të vështirë monitorimin e këtyre lëvizjeve.

Marrëdhëniet mes Moskës dhe Phenianit janë forcuar ndjeshëm që prej nisjes së pushtimit të plotë rus të Ukrainës në vitin 2022. Koreja e Veriut ka mbështetur Rusinë me municione dhe, sipas burimeve të cituara në material, ka dërguar mijëra trupa në rajonin Kursk për të ndihmuar forcat ruse kundër inkursionit ukrainas të nisur në vitin 2024.

Në këmbim, Rusia besohet se i ka siguruar Koresë së Veriut pajisje dhe teknologji ushtarake, përfshirë raketa të mbrojtjes ajrore, pajisje për luftën elektronike, dronë dhe teknologji satelitore.

Bashkëpunimi mes dy vendeve është zgjeruar edhe në fushën e turizmit. Pas rihapjes së Koresë së Veriut për turistët rusë në vitin 2024, mijëra qytetarë rusë kanë vizituar vendin, përfshirë resortet bregdetare dhe pistat e skive.

Afrimi i Moskës me Phenianin ka shkaktuar ndërkohë edhe debate brenda Rusisë. Ministri i Jashtëm rus, Sergei Lavrov, gjatë një interviste të fundit, u pyet për marrëdhëniet e Rusisë me aleatët e saj dhe për faktin se Koreja e Veriut dhe Irani konsiderohen ndër partnerët më të afërt të Moskës. Lavrov e kundërshtoi këtë këndvështrim dhe tha se nuk kishte “asgjë të keqe” me një bashkëpunim të tillë.

Në të njëjtën kohë, disa prej partnerëve tradicionalë të Rusisë kanë shfaqur shqetësime për vazhdimin e luftës në Ukrainë. Presidenti i Kazakistanit, Kassym-Jomart Tokayev, gjatë një takimi me Vladimir Putinin në korrik, i tha presidentit rus se shumë liderë po vënë në pikëpyetje arsyet pse Moska po vazhdon konfliktin.

“ Natyra e konfliktit nuk është plotësisht e qartë për shumë njerëz, përfshirë edhe ne”, i tha Tokayev Putinit.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Bayerni i Mynihut nuk guxon të garantojë qëndrimin e Michael Olise në Bavari pas këtij sezoni. Shefi Ekzekutiv i kampionëve të Gjermanisë, Jan-Christian Dreesen, evitoi të bëjë premtimin se futbollisti i kombëtares franceze do të vazhdojë të qëndrojë në Allianz Arena edhe përteje verës së vitit të ardhshëm.

‘Në një biznes të tillë, të bësh një premtim është diçka delikate-tha Dreesen në një intervisë për rrjetin televiziv, Sport 1-a do të mundim ta mbajmë në mënyrë të përhershme? Do të kthehemi të flasim verën e ardhshme’

Fjalët e Dreesen vënë në dukje faktin se te Bayerni janë të ndërgjegjshëm se nuk ka kuptim të mbajnë një nga futbollistët më të mirë nëse në horizont shfaqen pretendentë të nivelit më të lartë që do të duan shërbimin e tij. Reali i Madridit në merkaton e kësaj vere u shfaq shumë i interesuar për Olise por te Bayerni mohuan se kanë marrë oferta për të.‘Është budallallëk të themi se këtë verë kemi marrë dhjetëra oferta, nuk kemi marrë asnjë-shtoi Dreesen.

Edhe pse Bayerni e ka lënë një derë hapur për Olise për t’u larguar, Shefi Ekzekutiv i bavarezëve vuri në dukje rëndësinë e sulmuesit 24 vjeçar në skuadër.

‘Olise është shumë i rëndësishëm për këtë ekip. Është një magjistar në fushën e lojës-tha Dreesen.

Bayerni i Mynihut e siguroi shërbimin e Olise në vitin 2024 nga Crystal Palace duke derdhur në arkat e klubit londinez 55 milionë euro. Francezi ka me bavarezët një kontratë deri në 2029 dhe vlera e tij në merkato sipas ‘Transfermarkt’ ka shkuar në 170 milionë euro.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Dy persona humbën jetën dhe katër të tjerë u plagosën në një aksident të rëndë trafiku në një autostradë të Parisit, ku një Lamborghini Aventador u përplas me një automjet tjetër, për shkaqe që ende nuk janë bërë të qarta.

Aksidenti ndodhi mëngjesin e së shtunës, më 5 shtator, në autostradën A3, në zonën e Saint-Denis, kur një baba 63-vjeçar dhe djali i tij 27-vjeçar kishin marrë me qira makinën sportive për një udhëtim.

Sipas informacioneve fillestare, ata dyshohet se po udhëtonin me shpejtësi deri në 200 km/orë kur Lamborghini u përplas me një automjet tjetër, në të cilin ndodheshin katër persona. Automjeti i dytë u përmbys në autostradë, duke shkaktuar plagosjen e pasagjerëve.

Lamborghini u nda përgjysmë nga përplasja dhe më pas u përfshi nga flakët, duke shkaktuar vdekjen e dy personave që ndodheshin brenda.

WATCH : Two people died and four others were injured after a rented lamborghini aventador caught fire in a head-on collision on a highway near Paris.

Emergency teams responded to the severe crash on the A3 route.pic.twitter.com/CZwcUVLUsC

— Inside the conflict (@InsidConflict)September 6, 2026

Babai, i cili ishte në drejtimin e automjetit, u përplas me forcë dhe u nxor nga makina si pasojë e përplasjes, duke humbur jetën në vendngjarje. Djali i tij, i cili ndodhej në sediljen e pasagjerit, mbeti i bllokuar brenda automjetit dhe humbi jetën si pasojë e zjarrit.

Zyra e prokurorit që po heton ngjarjen nuk ka konfirmuar shpejtësinë e saktë me të cilën po lëvizte Lamborghini, por ka deklaruar se automjeti po udhëtonte “mbi” shpejtësinë e lejuar.

Трасса A3 вчера под Парижем. Lamborghini Aventador разрезало отбойником и она загорелась. Погибли отец (63) и сын (27) сгорели внутри. Судя по всему оба чернокожие. Прокуратура по предварительным данным: суперкар превышал скорость, врезался в другую машину и отбойник, а потом…pic.twitter.com/KBHNSe7P7p

— ⭐️Oles Filonenko⭐️ (@FilonenkoOles)September 6, 2026

Pamjet që qarkullojnë në rrjetet sociale tregojnë momentet dramatike menjëherë pas aksidentit fatal. Lamborghini Aventador i gjelbër shihet i shkatërruar plotësisht dhe i përfshirë nga flakët, ndërsa një re e dendur tymi të zi ngrihet në qiell.

Pasi zjarri u shua, nga automjeti luksoz kishte mbetur vetëm një masë e deformuar metali.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Nesër do të fillojë në Kuvend diskutimi mbi projektin socialist për ndarjen e re territoriale. Duke ditur raportin e numrave në Kuvend, gjasat janë të mëdha që të miratohet projekti socialist, sipas të cilit 15 bashki tëvogla do t’u përngjiten bashkive fqinje (shihni tabelën 1).\

Në zgjedhjet bashkiake, sipas Kodit Zgjedhor, votojnë vetëm zgjedhësit me banim në Shqipëri. Kështuqë një sondazh i kryer në lidhje me këto zgjedhje mund të shërbejë si një bazë paraprake statistikore për të parashikuar se kujt ka gjasa t’ia japin votën kryebashkiake banorët e bashkive që do të zgjerohen.

Një sondazh të tillë e zhvillova duke e shpërndarë linkun e pyetësorit me SMS krejt të rastësishme, proporcionalisht në 7 bashki të mëdha që do të zgjerohen. Dy pyetjet kryesore ishin:“A do të votoni në zgjedhjet bashkiake, pavarësisht sesi mund të ndryshojnë kufijtë e bashkive?”dhe“Për çfarë kandidati kryebashkiak do të votoni, nqs do të votoni?”

Duke i ndërthurur përgjigjet e të anketuarve me të dhënat e INSTAT-it për popullsinë e rritur të secilës bashki, ekstrapolova statistikisht me përafërsi se rreth 208 mijë banorë të rritur të 7 bashkive janë të vendosur të votojnë qysh sot për kryebashkiakë socialistë (shihni tabelën 2), rreth 131 mijë janë të vendosur ta japin votën për kryebashkiakë opozitarë, rreth 35 mijë janë të dyzuar, dhe rreth 183 mijë s’duan të votojnë fare. (Disa nga të dyzuarit votuan për PS-në në zgjedhjet e 11 majit të vjetshëm, disa për PD-ASHM-në, ose disa për partitë e tjera.)

Nga analiza e secilës bashki, rezulton se vetëm në bashkinë e zgjeruar Kavajë (që do bashkohet me Rrogozhinën), ka gjasa të ketë një garë të fortë elektorale. Në bashkitë e tjera të zgjeruara, PS-ja ka patur epërsi të thellë, dhe ka gjasa ta vazhdojë epërsinë e thellë.

SHËNIM: Nqs drejtuesit e protestës bulevardore paraqesin eventualisht kandidatë për kryebashkiakë, skenari i mësipërm mund të ndryshojë.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.