Mbi 220 mijë turistë në Kala, vetëm 18 mijë hyjnë në Muzeun e Armëve, bileta shtesë ngre pikëpyetje

Pavarësisht numrit të lartë të turistëve që vizitojnë Kalanë e Gjirokastrës, Muzeu i Armëve brenda saj ka regjistruar vetëm rreth 18 mijë vizitorë.

Diferenca e madhe mes dy shifrave ngre pikëpyetje mbi aksesin e turistëve në këtë hapësirë muzeale. Një prej problematikave të evidentuara është edhe pagesa e veçantë e biletës për Muzeun e Armëve, e cila për turistët nënkupton një kosto shtesë, pasi hyrja në muze nuk përfshihet në biletën e Kalasë.

Kjo situatë duket se po ndikon në numrin e vizitorëve të Muzeut të Armëve, pavarësisht se ai ndodhet brenda një prej monumenteve më të vizituara të Gjirokastrës.

Me mbi 220 mijë vizitorë në Kala, vetëm një pjesë e vogël e tyre zgjedhin të paguajnë edhe për të vizituar muzeun, duke e kthyer çështjen e tarifimit në një nga faktorët që kërkon rishikim për të rritur aksesin dhe vizitueshmërinë.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Lexo edhe këto artikuj të ngjashëm:

• Euro e lirë, miliarda kursime. Vetëm nga importet me BE-në, efekti i kursit llogaritet në rreth 2.9 miliardë euro
• Preferohet antikiteti, në Bylis nis qendra multifunksionale me muze dhe shërbime të reja për turistët
• Konflikti mes biznesmemëve në Vlorë, gjykata jep masat për të arrestuarit, “detyrim paraqitje” për Luan Muçën, vetëm “arrest në shtëpi” për truprojën e Bedinajt që qëlloi me armë
• Reportazh/ Nga gjurmët e Rrugës Egnatia te varret monumentale të Selcës së Poshtme dhe letra e kolonelit francez, përse Podradeci po josh turistët
• Zjarri apokaliptik në Himarë po përhapet me shpejtësi, bashkia thirrje banorëve dhe turistëve: Largohuni nga zonat me rrezik