Punë në Gjermani

Ushtria amerikane deklaroi të shtunën se forcat e saj kanë goditur tre anije iraniane që transportonin naftë bruto, pasi Korpusi i Gardës Revolucionare Islamike të Iranit (IRGC) lëshoi raketa balistike në drejtim të dy anijeve luftarake të Marinës amerikane.

Nga Irani nuk ka pasur ende një reagim zyrtar, ndërsa mediat shtetërore iraniane raportuan më herët se SHBA kishte sulmuar një tanker pranë ishullit Kharg, një prej qendrave më të rëndësishme të eksportit të naftës në vend.

Përplasja e fundit rrezikon të përshkallëzojë luftën e transportit detar në Gjirin Persik dhe përtej tij. Irani po përpiqet të pengojë anijet që kalojnë përmes Ngushticës së Hormuzit pa miratimin e tij, ndërsa SHBA ka intensifikuar goditjet ndaj anijeve iraniane.

Dy vendet kanë shkëmbyer sulme edhe në fillim të kësaj jave, për herë të parë pas më shumë se një muaji, ndërsa sulmet e reja rrisin frikën për nisjen e një tjetër cikli hakmarrjeje.

Sipas Komandës Qendrore amerikane (CENTCOM), një aeroplanmbajtëse dhe një destrojer amerikan i pajisur me raketa të drejtuara i kanë shmangur disa sulmeve iraniane.

CENTCOM: US Military destroys three IRGC oil tankers after Iran targeted two US Navy warshipspic.twitter.com/z6Rtf53QhJ

— The Post Millennial (@TPostMillennial)September 5, 2026

Në kundërpërgjigje, forcat amerikane “çaktivizuan përgjithmonë” dy anije iraniane që transportonin naftë bruto: M/T Downy, në brigjet e ishullit Kharg, dhe M/T Stark 1, pranë qytetit Jask.

Ndërkohë, jashtë Gjirit Persik, një tjetër tanker iranian, M/T Kylo, i cili ishte bosh, u “shkatërrua plotësisht” pasi u godit disa herë nga forcat amerikane, me qëllim nxjerrjen e tij jashtë funksionit.

Komandanti i CENTCOM, admirali Brad Cooper, deklaroi se mesazhi për Gardën Revolucionare iraniane ishte i qartë: çdo sulm ndaj anijeve amerikane do të pasohet nga një kosto edhe më e madhe për Iranin.

Më herët gjatë së shtunës, agjencitë iraniane të lajmeve raportuan se një tanker ishte sulmuar me raketa nga forcat amerikane pranë ishullit Kharg. Sipas agjencisë Tasnim, anija u godit nga katër predha, por nuk pati viktima.

Një regjistrim audio i konfirmuar nga CNN tregon se një avion ushtarak amerikan i kishte paralajmëruar ekuipazhin e anijes përmes një kanali emergjence, duke u kërkuar të largohej nga pjesa e pasme e tanker-it përpara sulmit.

Përplasja mes Iranit dhe SHBA-së mbetet në një situatë të paqëndrueshme, ndërsa të dyja palët synojnë të kontrollojnë Ngushticën e Hormuzit, një korridor strategjik për furnizimin global me naftë.

Ishulli Kharg, i vendosur në brigjet e Iranit, ka përpunuar zakonisht rreth 90% të eksporteve të naftës bruto të vendit. Ishulli është sulmuar disa herë gjatë konfliktit, ndërsa presidenti amerikan Donald Trump ka kërcënuar më parë edhe me marrjen nën kontroll të tij.

Të dhënat e transportit detar dhe imazhet satelitore tregojnë se rreth 20 tankerë iranianë ndodhen të ankoruar pranë Khargut dhe nuk mund të dalin nga Gjiri për shkak të bllokadës detare amerikane. Shumë prej tyre janë të ngarkuar plotësisht me naftë.

Në Gjirin Persik dhe në Gjirin e Omanit ndodhen më shumë se 50 tankerë iranianë, sipas shërbimeve të gjurmimit të anijeve.

Ndërkohë, të enjten, nënpresidenti amerikan JD Vance tha se konflikti nuk duhet të cilësohet si një “luftë”, duke deklaruar se pavarësisht përshkallëzimit të fundit, nuk kishte “shkëmbim aktiv zjarri”.

Vance nuk dha një afat për përfundimin e konfliktit dhe la të kuptohet se i takon Iranit të vendosë për përfundimin e përplasjes, e cila sipas tij nisi gjashtë muaj më parë me sulme ajrore të përbashkëta amerikano-izraelite.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Është shoqëruar sot në polici këngëtari Jozefin Marku, pas publikimit të videos ku ai dhe persona të tjerë shfaqeshin duke dhunuar Edi Kuçin.

Lajmi konfirmohet nga gazetarja e Top Channel Dorjana Bezat. Mësohet se bashkë me Jozefin Markun është shoqëruar edhe një person tjetër i përfshirë në këtë ngjarje.

Nga hetimet e deritanishme u zbulua se video është regjistruar në Tiranë tek mbikalimi i Rinasit.

Po ashtu janë sekuestruar pamjet e kamerave të sigurisë në zonë dhe po punohet për identifikimin e personave që shfaqen në video.

Një ditë më parë, Prokuroria e Pejës lëshoi fletë-arrest për Markun, në lidhje me dhunimin e shtetasit nga Kosova.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Një zjarr me përmasa të konsiderueshme ka përfshirë zonat e Bardhajt dhe Myselimit në Shkodër, ku përhapja e flakëve është favorizuar nga era e fortë dhe terreni i thyer.

Për shuarjen e zjarrit është ndërhyrë edhe nga ajri, me helikopter, ndërsa në terren janë angazhuar forca të shumta zjarrfikëse dhe struktura të emergjencave civile.

Në operacion marrin pjesë gjashtë mjete zjarrfikëse të Bashkisë Shkodër, një bot uji i Ndërmarrjes së Shërbimeve Publike, Shërbimi Pyjor, strukturat e Emergjencave Civile dhe përfaqësues të njësive administrative Rrethina dhe Postribë.

Deri tani, ndërhyrja e forcave në terren ka bërë të mundur mbrojtjen e 15 banesave, duke shmangur rrezikun për familjet që ndodhen në zonën e përfshirë nga flakët.

Operacioni vijon edhe me mbështetjen e një mjeti zjarrfikës nga Reparti RKV 1010 në Vau i Dejës, ndërsa puna po zhvillohet në koordinim me Prefekturën e Qarkut Shkodër dhe Agjencinë Kombëtare të Mbrojtjes Civile.

Forcat në terren vijojnë përpjekjet për izolimin e vatrave dhe shuarjen e plotë të zjarrit, ndërsa prioritet mbetet mbrojtja e banesave dhe e banorëve të zonës.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Është izoluar plotësisht vatra e zjarrit në fshatin Zapod, pas ndërhyrjes së forcave të shumta në terren.

Në operacionin për izolimin e flakëve u angazhuan Drejtoria e Emergjencave Civile, MZSH-ja, Policia e Shtetit dhe Policia Bashkiake, si dhe punonjësit e Administrimit të Pyjeve dhe të Njësisë Administrative Zapod.

Në ndihmë të strukturave në terren kanë qenë edhe Forcat e Armatosura, zjarrfikësit e Komunës së Dragashit, si dhe vullnetarë e banorë të fshatrave Zapod dhe Pakisht.

Falë ndërhyrjes së përbashkët të strukturave dhe komunitetit, vatra është izoluar, duke shmangur përhapjen e mëtejshme të zjarrit në zonën përreth.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Detaje të reja kanë dalë nga hetimet për vrasjen e Lorenës Isceri, e cila dyshohet se u vra nga ish-partneri i saj, Federico Vella.

Sipas rindërtimit të hetuesve, ngjarja nisi në garazhin e banesës së saj dhe përfundoi në një mbikalim të autostradës, ku gruaja u hodh nga ish-partneri, shkruajnëmediat.

Sipas të dhënave të hetimit, marrëdhënia mes Lorenës dhe Federicos kishte përfunduar pasi ajo dyshohet se zbuloi një lidhje tjetër. Pas ndarjes, Vella raportohet se kishte tentuar vazhdimisht të rikthehej me të, duke e kontaktuar edhe nënën e Lorenës, pavarësisht se ajo i kishte kërkuar të mos e shqetësonte më.

Të afërmit e viktimës kanë deklaruar se Lorena kishte frikë nga ish-partneri, por nuk kishte dashur ta denonconte, duke u shqetësuar se një kallëzim do t’i dëmtonte jetën.

Sipas hipotezës së prokurorisë, Vella e kishte përgatitur paraprakisht sulmin. Në momentin e ngjarjes, ai dyshohet se kishte me vete lidhëse kabllosh, gërshërë dhe një çarçaf, sende që hetuesit i konsiderojnë si elemente që mund të mbështesin dyshimin për paramendim.

Lorena dyshohet se u sulmua në garazhin e banesës së saj në Rifredi. Pas lidhjes, ajo u vendos në bagazhin e automjetit të Vellës, i cili më pas u nis drejt zonës së mbikalimit të autostradës.

Megjithatë, gjatë rrugës, Lorena arriti të përdorte telefonin e saj të punës, të cilin e kishte në çantë. Fillimisht ajo i dërgoi një mesazh zanor një miku për të kërkuar ndihmë dhe më pas telefonoi policinë.

“Më ka rrëmbyer, do të më vrasë”, raportohet të ketë thënë ajo gjatë telefonatës.

Hetuesit po rindërtojnë minutë pas minute lëvizjet e viktimës dhe të ish-partnerit të saj. Telefonatat dhe mesazhet e dërguara nga Lorena janë ndër provat që po shqyrtohen për të kuptuar çfarë ndodhi gjatë rrugës drejt mbikalimit.

Sipas rindërtimit paraprak, Vella dyshohet se e ka sulmuar sërish Lorenën pasi ka mbërritur në zonën e mbikalimit.

Gruaja ishte pa ndjenja, por ende gjallë kur u hodh nga mbikalimi, sipas hipotezës së hetuesve.

Kur forcat e rendit mbërritën në vendngjarje, Vella ndodhej në buzë të mbikalimit. Sipas pamjeve filmike të policisë, ai refuzoi t’u afrohej efektivëve.

Pavarësisht përpjekjeve për ta bindur të hiqte dorë, negociatat nuk patën rezultat. Para se të kryente aktin fatal, Vella dyshohet se i dërgoi një mesazh nënës së Lorenës, duke i komunikuar se vajza e saj kishte vdekur. Më pas ai telefonoi nënën e tij.

Pak kohë më vonë, gruaja kontaktoi policinë dhe raportoi bisedën me të birin.

“Djali im më telefonoi dhe më tha se kishte vrarë ish-të dashurën”, raportohet të ketë deklaruar ajo në telefon.

Hetimet vijojnë për të zbardhur plotësisht dinamikën e ngjarjes, ndërsa autoritetet po analizojnë provat, pamjet filmike, telefonatat dhe komunikimet e kryera para dhe gjatë krimit.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Një vatër zjarri është shfaqur ditën e sotme në zonën e Nikaj-Mërturit, në Tropojë, konkretisht në Lugun e Ndërmajës, duke përfshirë nga flakët masive pyjore me pemë mbi 100-vjeçare.

Pas një periudhe të gjatë me temperatura të larta dhe disa vatrave zjarri të raportuara në zona të ndryshme të vendit, situata në Tropojë kishte qenë e qetë deri më tani, pa raste të raportuara gjatë kësaj periudhe.

Zjarri përbën një kërcënim serioz për masivet pyjore të zonës, veçanërisht për pemët shekullore, duke e bërë ndërhyrjen e shpejtë të strukturave përgjegjëse të domosdoshme për frenimin e përhapjes së flakëve.

Në kushtet e temperaturave të larta dhe terrenit të vështirë malor, situata kërkon monitorim të vazhdueshëm dhe angazhim të mjeteve dhe forcave të emergjencës për të vënë nën kontroll vatrën e zjarrit.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Është shoqëruar sot në polici këngëtari Jozefin Marku, pas publikimit të videos ku ai dhe persona të tjerë shfaqeshin duke dhunuar Edi Kuçin.

Për shoqërimin e tij policia ka dhënë të tjera detaje. Në informacionet e siguruara nga gazetarja e Top Channel Dorjana Bezat, si fillim policia ka ushtruar kontroll në banesën e Jozit në Fushë-Kuqe, por nuk e ka gjetur.

Më pas, sipas informacioneve, policia ka ushtruar 10 kontrolle banesash te miqtë e tij.

Këngëtari Jozefin Marku u gjet në banesën e shokut të tij, Kristian Nikollit në Fushë-Krujë. Kur është konstatuar nga policia dhe është vënë në pranga, Marku ka mohuar se po i fshihej policisë:

“Jam për qejf këtu, nuk po i fshihem policisë. Do të vija vetë në polici nëse e dija që po më kërkonit”,është shprehur këngëtari.

Ndërkohë për këtë ngjarje policia ka shpallur në kërkim 5 persona dhe po punohet për identifikimin e të tjerëve.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Zjarri në Himarë po merr përmasa të frikshme dhe po përhapet me shpejtësi në zonat e banuara.

Siç ka raportuar edhe më herët korrespondenti i Top Channel Mikel Marsi, një banesë është shkrumbuar ndërsa rrezikohen më shumë se 40 shtëpi dhe hotele.

Bashkia e Himarës ka dalë me një njoftim ku u kërkon banorëve dhe turistëve që ndodhen në zonat pranë rrezikut të largohen dhe të kontaktojnë me autoritetet.

Situata paraqitet e vështirë për zjarrfikësit, të cilët vijojnë të jenë në terren, duke punuar për shuarjen dhe izolimin e flakëve, me qëllim parandalimin e përhapjes së mëtejshme të zjarrit.

Ndërkohë banorët bëjnë apel për ndihmë, ndërsa flakët po u afrohen shtëpive të tjera në qytet.

Në ndihmë është nisur një zjarrfikëse nga Vlora, Finiqi, Delvina, Saranda, 50 forca iUshtarake nga Gjirokastra dhe 3 mjete të Himarës. Po ashtu dy ambulanca nga Vlora janë nisur drejt Himarës.

Për shkak të përhapjes së shpejtë të flakëve dhe erës, situata është rënduar ndjeshëm, ndërsa ka nisur edhe evakuimi i banorëve, por edhe i turistëve që ndodhen në hotelet e Himarës.

Era dhe terreni i vështirë po favorizojnë përhapjen e flakëve, duke e bërë ndërhyrjen e forcave zjarrfikëse edhe më të vështirë.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

“Putini nuk ka ndërmend të sulmojë territoret e NATO-s”, kështu tha Presidenti i SHBA Donald Trump në Zyrën Ovale, duke shtuar se “Po flas me Putinin. E njoh shumë mirë”.

Steve Witkoff dhe Jared Kushner sollën me vete një “propozim për t’i dhënë fund luftës” midis Rusisë dhe Ukrainës, shtoi ai, duke kujtuar se ata tashmë kanë zgjidhur “tetë luftëra”.

Dy të dërguarit e presidentit do të vizitojnë së pari Rusinë, pastaj Ukrainën.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.

Policia e Tiranës ka dalë me njoftim zyrtar në lidhje me dhunimin e Eduard Kuçit nga Jozefin Marku dhe disa persona të tjerë.

Ndaj këngëtarit rëndojnë 5 vepra penale, ndërsa ky I fundit është shoqëruar sot në polici për të dhënë sqarime në lidhje me rastin.

“Si rezultat i veprimeve të kryera nga shërbimet e Komisariatit të Policisë Nr. 6, u ndaluan shtetasit J. M., 30 vjeç, për veprat penale “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja e padrejtë në jetën private”, si dhe K. N., 31 vjeç, i cili dyshohet se ka qenë drejtues i automjetit tip “Land Rover”, për veprat penale “Përkrahja e autorit të krimit”, “Mbajtja pa leje dhe prodhimi i armëve, bombave ose minave dhe i municionit”, “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja në jetën private”. Ndërkohë, u shpallën në kërkim shtetasit A. H., 48 vjeç dhe K. V., 27 vjeç”, sqaron policia.

Gjatë kontrollit të banesës së shtetasit K. N., u gjetën dhe u sekuestruan një sasi municioni, si dhe automjeti tip “Land Rover”, i dyshuar se është përdorur në ngjarje.

Këta shtetas dyshohet se, në bashkëpunim edhe me shtetas të tjerë, ende të paidentifikuar, kanë dhunuar shtetasin E. K., 26 vjeç, me pretendimin se ky i fundit kishte fyer një prej tyre.

Punohet për kapjen e shtetasve të shpallur në kërkim, identifikimin e personave të tjerë të përfshirë në këtë ngjarje dhe nxjerrjen e tyre përpara përgjegjësisë penale.

Materialet procedurale iu referuan Prokurorisë, për veprime të mëtejshme.

© Top Channel 2001 – 2026 • Ndalohet riprodhimi i paautorizuar i
përmbajtjes së kësaj faqeje.